وہ جو اپنے کمرے کی
کھڑکیوں کو بند کرکے
بادلوں کے جانے کا
انتظار کرتے ہیں
وہ بھی اِک زمانے میں
بارشوں کی بوندوں سے
کھیلتے رہے ہونگے
چودھویں کی راتوں میں
جلد سونے والوں کی
چاندنی سے ماضی میں
دوستی رہی ہوگی
حسن وعشق کی باتیں
آج واسطے جن کے
کچھ وقعت نہیں رکھتیں
بھرے بھرے لمحوں میں
ٹوٹ کرکسی کو وہ
چاہتے رہے ہونگے
وہ جو اپنے غم پر بھی
آنکھ نم نہیں کرتے
کل کسی کی خاطر وہ
خوب روچکے ہونگے
کل کسی کی خاطر وہ
خوب روچکے ہوں گے
درد آشنا ہوکر
اشک کھو چُکے ہونگے
No comments:
Post a Comment